لايابطلة الرواية للشاعر حسن طه
السويس
___________
لا يابطلة الرواية
لا يابطلة حكايتى
لسة باقى فى الرواية
فصل واحد متعرضشى
والستار بدرى لسه لماينزل
والناس دى تمشى
لا يابطلة الرواية أستنى
أستنى عندك واوعى تمشى
لسة باقى فى الرواية
لغز واحد ومتفهمشى
لا يابطلة الرواية
لا يابطلة حكايتى
******
بالأمانة هحكى دورك
وأن كان ده يرضى غرورك
لأجل ما أخدك للحقيقة
ولأجل أنورلك طريقك
وكان مصيرى أيه معاكى
وكان معايا أيه مصيرك
وكنتى أيه جوه فى ضميرى
وكاتمة أيه جوه فى ضميرك
******
كنتى نسمة فى يوم رقيقة
للسماء كانت تشيلنى
كنتى بسمة فى يوم جريئة
فوق شفايف بتغازلنى
وكنتى دمعة فى وقت ضيقة
جوه عينى بتألمنى
وكنت ليكى قلب ضايع
حضن قلبك ملتقاه
كنت ليكى جفن دامع
وأبتسامتك بلسم شفاه
وكنت ليكى نجم لامع
وبدر ساطع فى سماه
ولا يابطلة الرواية لا
******
مش راح انسى يوم ماشفتك
ويا غيرى ولكلامه أبتسمتى
يومها عينى جت فى عينك
دق قلبك وأرتجفتى
مندهشتش من الحقيقة
ومتفجأتش لما خنتى
بس شفت سحابة سودة
وشئ يحطم من أرادتى
شىئ بيغلى جوه منى
فاق أحتمالى وأستطاعتى
ألف طعنة جت فى قلبى
بسهم غدرك وما رحمتى
وألف كلمة فوق لسانى
خفت أقولها وخانى صمتى
تاه كلامى وتاه مكانى
ولما شفتك كانت نهايتى
وغصب عنى دمعى خانى
والغريبة أليه حتى ماألتفتى
وزى قلبك مايومها هانني
أنتى برضه على قلبى هنتى
وزى قلبك ماباع وخاننى
جوه قلبى أنتى موتى
خلتينى أعيب زمانى
والحقيقة العيب فيكى أنتى
ياللى كنتى وفيا خنتى
وحبى ليكى كان جريمتى
ياللى ضعتى وليا كنتى
نبض قلبى ويوم حبيبتى
بعترف لك قلبى حبك
وهى دى كانت خطيئتى
ليه..؟ يابطلة الرواية
ليه..؟ يابطلة حكايتى
ليست هناك تعليقات:
إرسال تعليق