خلاص قررت هربى
كلاب ..... ..... .....
من غير ولا حيره ولا عتاب .....
ولاحرقه وفرقه ولا
عذاب .....
لا هحير فكرى ولا
أرتاب ......
أو أذم فى مخاليق
وأغتاب .....
ولا هحكى كتير وأخطبلى خطاب .....
ونقضيها سؤال وجواب .....
أو مين فيا شكر أو عاب .....
وخلاص قررت هربى
كلاب ........
وقفلت بنفسى علينا الباب ......
ومن دلوقتى ما ليش أصحاب ...
ولا عشره ودم وأنساب ....
وقرايب عاملين أحباب ....
ما القلب أهو داب ...
من بعد ما طاب ...
كان شب وشاب ...
أصبح متصاب ...
مليان أعطاب ...
والحب أهو خاب ...
وطلع كداب ...
مكتوب فى جواب ..
منقوش بسراب ...
مدفون فى كتاب ...
ملفوف فى حجاب ...
محطوط فى جراب ...
داخل سرداب ...
متعبى ضباب ...
ولا نار حطاب ...
شبه اللبلاب ...
غطاها سحاب ...
غشاها بوهم على
صباب ...
غماها وخد منها
وجاب ...
ورمانى وغاب ...
من غير أسباب ...
عيشنى فى دنيا خراب
فى خراب ...
محاوطها الريش والهيش
والغاب ...
بتعج أفاعى على
دياب ...
غداره تعض بأنياب ...
قالى دى أميره .
وليها محراب ...
كنيتها سفيره .
عملت حساب ...
أتاريها خطيره .
وأبوها نصاب ...
دواره حقيره .
هباب فى هباب ...
أحلامها غفيره ...
فى كل رحاب ...
وهمومها كتيره ...
ضربت الأجناب ...
مخطوفه أسيره .
ما بين أغراب ...
ماتت م الغيره .
أخرها تراب ...
وخلاص قررت أربى
كلاب .......
وأراعيهم بالعين
والأهداب .......
وأطعمهم من أشهى
الأطياب .........
وإن جاعوا يكون الأكل
كباب ........
علشان صافيين قوى للأصحاب .......
ما يخونوا العيش ولا ينسوا ثواب .......
وقفلت الباب ...............
الشاعر المصرى . عصام الهوارى
ليست هناك تعليقات:
إرسال تعليق