(جيتلك)
♡♡♡♡
بقلم الشاعر حسن طه.. السويس
______
جيتلك وحايش دموعى
والنار بتاكل ضلوعى
جيت وأنا كلى خوف
بلعن كل الظروف
أللى حرمتنى منك
وعلى النار والشوك
مشيتلك و جيتلك
جيتلك..
جيت ياحبى الوحيد
تايه فكرى وشريد
وبرغم حزنى الشديد
عيونى أتبسمتلك
وجيتلك..
جيت أودع هواكى
وأسيب قلبى معاكى
وهعيش على ذكراكى
وبكرة السنين تثبتلك
وجيتلك..
جيت يا أعز الحبايب
جيت وأنا قلبى دايب
جيت كاوينى شوقى
وعيونى أللى بكيتلك
وجيتلك..
جيت وأنا كلى لهفة
شفتك في كوشة وزفة
والناس حواليكى واقفة
وعلى الفرحة بتباركلك
وجيتلك..
ليست هناك تعليقات:
إرسال تعليق