لما اموت
بقلم الشاعر. أمير علي
ماتقولوش ان موتي فارق معاكم
.
واني سيبت فراغ مابينكم
.
وتبينوا دموع في عينكم
.
اني يعني صعبان عليكم
.
وتقولوا كان طيب حنين
.
ونيتوا كانت بريئه
.
اقولوا للناس الحقيقه
.
انكم ياما جيتوا عليا
.
وان اصلا وجودي بينكم
.
ماكنتش فارق.....ولا غيابي
.
وماتزيفوش فالحقايق
.
عمركم ما قصدتوا بابي
.
حتي وقفتكم في ضيقتي ..... ختوا ثمنها
.
حتي حقوقي لما اكلتوها ....... بعتوني عشانها
.
وكل حاجه حلوة معايا
.
عايرتوا قلبي برضوا علشانها
.
لما اموت هاتوا اخ
.
مايخافش الموت لأجل حياتكم
.
هاتوا اخ ينسي حقوقوا
.
لأجل يرد ليكم حقوقكم
.
انا اللي كنت ليكو خدام
.
وعمري ماكنت مابينكوا سيد
.
وقفوا تمثيل دموعكم ...
.
وقفوا تمثيل عيونكم
.
مابكتوش ثانيه عليا حي
.
هتبكو ليه عليه ميت
.
ووصيتي لاولاد عمامي ..بعد.طبعا احترامي
.
ماحدش فيهم يقف ف غسلي ولا ف كفني
.
ووقت دفني ........ أدفن فحضن ابويا
.
وعرفوهم اني ميت ومش ناسي ليهم ظلمي امبارح
.
ولو مابنيهم للجنه ذنبي ..عرفوهم اني مش مسامح
ليست هناك تعليقات:
إرسال تعليق