بقلم عماد الشاعر
لما قالك مش هسيبك
ــــــــــــــــــــــــــــــــــــ-ـ-ـ-ـ
لماقالك مش هسيبك
كان بيقصد أنه باع
تضمن أنه خلاص ف جيبك
تكتشف فجأة أنه ضاع
تعمل أيه لوكان حبيبك
دكتوراه في الخداع
عارفك طيب آه
وده عيبك
مشكلتك فيك الأندفاع
تتدلق وتقول نصيبك
وتسيب قلبك للمشاع
هما بس يومين يجيبك
تتخدع كده في القناع
تتشبك وتقول طبيبك
يطلع سيء الطباع
بالوجع واللوم يصيبك
تبدأ مشهد الضياع
فوق ياعم يلاسيبك
وأفهم سر الأختراع
لو في يوم قالك هسيبك
قوله ماشي بلاش صداع
ليست هناك تعليقات:
إرسال تعليق