علموني عنيكي
بقلم عماد الشاعر
علموني عنيكي إني
أكتب الشعر بسلاسه
وأوصفك وصف المناضل
لما يحكي عن السياسه
واحضنك حضن أنتحاري
وأكسبك مع جيم أتاري
وأعشقك عشق الفراوله
وسط كوكتيل أختياري
علموني عنيكي إني
ألمحك وسط العيون
وأرسمك رسم المتيم
سهم قلبه علي الغصون
وأندهك لما تناديني
أسمعك فتسمعيني
أعزمك فوق كف أيدي
تيجي تتمشي في وريدي
تقضي عمرك جوه قلبي
حتي لو ليله بيومين
دا أنتي كل الدنيا جمبك
صفر حلمه يكون يمين
ليست هناك تعليقات:
إرسال تعليق