✍🏻 نهاية حبيبك ✍🏻
عامله ايه
قالت كل شئ تمام
طب وليه
شارده منا والسلام
طب قوليلي
لو في حاجه مخبياها
وأفتحيلي
كل أبوابك معاها
آي حاجه هاتقوليها
جوه قلبي مش ناسيها
أكتبيها وأعرفيها
مش تقولي ماضي كان
أنتي لو حسيتي بيها
تحفظيها للزمان
شوفت في عنيكي الدموع
قلبي حن للرجوع
أصل قطر الحب عدى
لما هدىَّ للخضوع
فجأه قالت أنت دمي
جوه قلبي غصب عني
لو سألني شلت همي
مش كفايه الروح فداه
حته منه وحته مني
كل آحلامي معاه
طب تعالي لو صحيح
داوي في القلب الجريح
دنيا فانيه بس ثانيه
مش هتيجي وتلاقيني
أنتي غيرك وحده تانيه
عزبيني وارحميني
كل مره توعديني
خوني في العهد وخونيني
سيبت قلبي ليكي ذكرى
وأندفنت في التراب
لو هاتيجي قبل بكره
ترحميني من العذاب
لو بأيدي مش هاسيبك
بس دي نهاية حبيبك
هديِِِ بنا آي سور
وإملي كل الدنيا نور
غطي قبري بالزهور
لو بأيدي مش هاسيبك
بس دي نهاية حبيبك
لو بأيدي مش هاسيبك
بس دي نهاية حبيبك
كلمات الشاعر رشدي الامير ✍️📖📚
✍🏻✍🏻✍🏻✍🏻✍🏻📖📖📖📖📖📚
ليست هناك تعليقات:
إرسال تعليق