النقضة
بقلم عبدالله رجب ابوعدنان
وقفت ع النقضه والنفس تايهة و شارده
ايدي منمله وبارده
وكم الأحزان متواعده
و لأني معدوم
بصيت ع التفاح ولملمت الجراح
مانا طول عمري سواح
عايش بطيبتي موهوم
ولاد نفسهم ف بطيخ
ومصارين تتعارك وصريخ
عملتلهم م الشربات فسيخ
ماشي و مدارياني الهدوم
كنت وعدتهم بشويه فاكهة
وعيشه فللي و ابهة
نط قلبي من عبي فجأة
وبدلت ببصل وتوم
و لأني فرز تاني
الأرض فرشي وعنواني
توهت عن زماني ومكاني
آه لو كان بإمكاني
أطلع واجيب النجوم
صعبت عليا نفسي وبكيت
مابين الورق حجيت
وحلمت لما اتهديت
وعرفت إني لازم أرضى ب المقسوم
ع الفرش صابني ملل
القرع العسلي زي العسل
جريت اوام وشربت حجرين معسل
وم الجوع جاني تخمة وكسل
واتخيلت نفسي من عليه القوم
ندهت أمنا على خمسة ف الميه
وبقينا ندور ع الفول و الطعمية
ونشم ريحة الظفر والتقليه
ونتمنى الخير يدوم
ليست هناك تعليقات:
إرسال تعليق