يارب استجب لينا
واُقبل كمان دُعانا
××××××××××××××××
اللي باصص علينا في......... لقمتنا وفي عشيتنا
يا ريت يسيبنا في حالنا.... ويدعيلنا ويبعد عننا
واللي شايف نفسه أنه ...أحسن كتير كمان مننا
يا ريت ما نسمعش صوته ويبعد ويسبنا بغلبنا
واللي عامل فيها كبير... في حياتنا أو في حَيِنا
يا ناس قولوله ده والله والله شيء ما بيخصنا
واللي حاسب خطاوينا.. ومراقب ياناس حظنا
ربنا يسامحه على نظرة غله ونقولها من قلبنا
واللي حاسدنا .............ع الفاضية والمليانة
يا رب لا نشوفه ولا يشوفنا بأى سكة تُخُصنا
ولا نلاقيه حوالينا ......و لاحتى كمان جنبنا
واللي جواه مش نظيف وبيغل وبيحقد وبيغِير
................. ........لما يكون شايف فرحنا
يا رب لا نلاقي هواه ولا هو يتلاقى في يوم بهوا لنا
واللي بيتكلم وحش علينا ..قدامنا أو حتى من ورانا
يا رب مانشفهوش ............في صبحنا أو في مَسانا
واللي عاوز يعمل علينا .....فهلوى أو نصبه أو نصبايا
يا ريت تفكنا منه ونفتك.... بأي شكل أو بأى حكاية
واللي واخد مقلب في الدنيا...... وزعلان قووي زيِّنا
يجي ويصتف بالدور هنا..... ويبقى شكله من شكلنا
ديه دنيا فانية وزايله................. وملهاش أمان ويانا
وديه أصل الحكاية لللي ما سمعها من البداية للنهاية
بقلمي
أديب وشاعر مهندس /محمد عوض
ليست هناك تعليقات:
إرسال تعليق