شعر بعنوان قوة التخلي .
بقلم. أبو زين
انا لو هوصف حالي هفضل احكي سنين
وانتي يا دنيا علينا ودموعي ماليا العين
نفسي ارتاح انا مرة وافرح فيكي انا يوم
دايما راضي وساكت بس دا مش هيدوم
هرجع تاني واقولك ان انا مش مغصوب
وانا مش هفرض نفسي علي دنيا ما بتدوم
حتي الحب خلاص فيكي مبقاش ليه لازم
همسح دمعي بأيدي ولو كان منك يا حبيبي
ياللي انا عشت معاك وخدت كل سنيني
انا مش هرجع ليك ولا انا هقسي عليك
بس هسيبك للدنيا تئلم وتجرح فيك
بكرة تشوف افعالك لم تجيني مكسور
كل ما ببني انا طوبه بتهد انت السور
اللي ما بيني وبينك واللي كان مفروض
ان حياتنا تدوم وتعيش عمر سنين
بعت دا كله بكام وكمان كده بتخون
وانا لو هوصف حالي هحمد ربي عليه
ان قدرت اتخلي واعيش من بعديك
انا مش ممكن تاني اسلم قلبي الييك
انا عايزك تجرحني وتنسي حبي كمان
وتعيش كدا من بعدي وتدوق الحرمان
وانا عن نفسي هسيبك منا قدمت كتير
مخدتش حاجه منك غير قله تقدير
وانا مش هبكي عليك ولا هموت من بعديك
منا ياما ضاع مني يعني مجتش عليك
بكره تشوف من بعدك انا راح هعمل ايه
هتعود ع الوحده هنسي جراحي كمان
مش فارق لي وجودك ولا انا عاوز اسمع صوتك
انا دلوقتي واحد تاني غير اللي عرفته زماااان.
ليست هناك تعليقات:
إرسال تعليق