قصيدة ،،،بعنوان
ضرب الجرس
بقلم عماد الشاعر
،،،،،،،،،،،،،،،،،،،،،،،،،
ضرب الجرس ،،وقت الفطار
غني الحرس ،، لحن إنتصار
دا مصر لمت شملها
وف لحظة جابت حلمها
وبأعلي صرخة نفس
فرضت قرار
،،،،،،،،،،،،،
ضرب الجرس ،،وقت الفطار
البابا بيبارك رغيف
والشيخ بيأدن علي الفنار
أصل العدو عنا كفيف
وماعدش شايف غير دمار
،،،،،،
لو كان في ظنه أنه مخيف
لأ لأ ، نقولك بأختصار
،،،،،،
ضرب الجرس ،، وقت الفطار
الجمعه تجمع شملنا
لكن الجماعه مش هنا
عايشين في غربه عننا
طول عمرهم مش مننا
،،،،،،
لوكانوا داقوا زينا
حب الوطن في قلبنا
كان بكره يجي بأزدهار
،،،،،،،
ضرب الجرس ،،وقت الفطار
مصر المعاني الطيبه
في كل أديان السماء
موسي وعيسي في الصبا
عاشوا علي أرضي سوا
،،،،،
في العيد خبزنا غريبه
ونصوم سوا والجو نار
،،،،،
ضرب الجرس ،، وقت الفطار
ليست هناك تعليقات:
إرسال تعليق