ماشى يادنيا الغلابه
والصبر فيكى حزين
درع اللئيم اجتنابه
والأصل جذره متين
وقلة الأصل منسابه
مهما الفلوس مالكين
صنعوا السهم حطابه
كتب انتصاره سنين
يا اللى عليت باصحابه
بكره الصحاب راحلين
واللى بالود فتح بابه
تلاقيه كالجبال حاملين
اوعى تعيش كالديابه
الغدر طبع ذميم
تبقى الوشوش كدابه
تفضح صاحبها لفين
قالوا القمر ياشبابه
ما يعرفوا كم الحمول شايلين
كتب القلم لاحبابه
لسه الدموع عايشين
والكل يبكى مراده
وعند الأجل ناسيين
بقلم حليمة محمود
ليست هناك تعليقات:
إرسال تعليق